1 کاتژمێر پێش ئێستا
92 جار خوێنراوەتەوە
یونیسێف: لە سەرەتای ئەمساڵەوە تائێستا 37 منداڵ لە كەرتی غـ.ەززە كوژراون
پەیام
ڕێكخراوی یونیسێف تیشكی خستەسەر بارودۆخی منداڵانی فەڵەستین و ژمارەی ئەو منداڵانەی ئاشكرا كرد لەلایەن سوپای زایۆنی كوژراون.
ڕێكخراوی نەتەوە یەكگرتووەكان بۆ منداڵان (یونیسێف) لە ڕاپۆرتێكدا باسی دۆخی منداڵانی كەرتی غەززە و كەناری خۆرئاوای فەڵەستینی كرد و بڵاوی كردەوە: سەرباری ئەو ئاگربەستە لەرزۆكەی لەئارادایە، لە سەرەتای ئەمساڵەوە تائێستا 37 منداڵ لە ناوچە جیاجیاكانی كەرتی غەززە كوژراون.
لە ڕاپۆرتەكەدا ئاماژە بەوە كراوە "تائێستا دۆخی غەززە ناسەقامگیر و كوشندەیە بۆ منداڵان كە ڕووبەڕووی هێرشی ئاسمانی سوپای زایۆنی دەبنەوە و بەهۆی هەرەسهێنانی سیستمی خۆراك و ئاو و پەروەردە كاریگەرییان لەسەر دروست دەبێت".
یونسێف جەختی كردەوە لە پێویستی بەردەوامبوونی ئاگربەست و كۆتاییهێنان بە نەهامەتییەكانی منداڵانی غەززە.
ڕێكخراوی یونیسێف ئاشكرای دەكات پەرەسەندنی توندوتیژی و ململانێ لە كەناری خۆرئاوا بەردەوامە و ترسی و نادڵنیایی بۆ دانیشتووانەكەی دروست كردووە و مانگی ڕابردووش دوو منداڵ لەو ناوچەیە كوژراون و 25ی دیكە بریندار بوون.
لە تۆڕە کۆمەڵایەتیەکان شەیری بکە