2 کاتژمێر پێش ئێستا
153 جار خوێنراوەتەوە
مالیکى ناکشێتەوە و ئەمریكاش مۆڵەتی دوو ڕۆژ بۆ دیاریكردنی كاندیدی نوێ ڕادەگەیەنێت
پەیام
مالیكی سوورە لەسەر كاندیدبوونی بۆ سەرۆكوەزیرانی عێراق، ئەمریكاش تا ڕۆژی یەكشەممە دەرفەتی داوەتە چوارچێوەی هەماهەنگی بۆ دیاریكردنی كاندیدی نوێ.
هەرچەند بڕیاربوو دوێنێ شەو كۆبوونەوەی سەركردەكانی چوارچێوەی هەماهەنگی بەڕێوەبچێت بەڵام بەپێی زانیارییە میدیاییەكان، كۆبوونەوەكە بەهۆی سووربوونی نووری مالیكی، لەسەر كاندیدبوونی بۆ پۆستی سەرۆكوەزیران هەڵوەشاوەتەوە.
سەركردەیەكی شیعە بە ئەلجەزیرەی وتووە: هەمووان هاوڕان لەسەر ئەوەی كاندیدبوونی مالیكی تێناپەرێت بەهۆی ئەوەی واشنتۆن جددیە لە سەپاندنی سزادا ئەگەر ئەو سەرۆكوەزیران بێت.
دوو ڕۆژ لەمەوبەریش وەزارەتی دەرەوەی عێراق دانی بەوەدا نا، پەیامێكی زارەكییان لە ئەمریكاوە پێ دراوە و جەخت لەوە كراوەتەوە، ئەگەر نووری مالیكی ببێـتە سەرۆكوەزیران ئەوا واشنتۆن سزای ژمارەیەك كەس و دامەزراوەی عێراق دەدات. بەشێك لە زانیارییەكانیش باس لەوە دەكەن بانكی ناوەندیی عێراق و كۆمپانیای سۆمۆ و ژمارەیەك سەركردەی شیعە لە ڕیزی سزاكاندا دەبن.
هاوكات بەشێك لە میدیای عێراقی ئاشكرایان كردووە، باڵیۆزخانەی ئەمریكا 48 كاتژمێر كاتی داوە بە چوارچێوەی هەماهەنگی و ڕایگەیاندووە: پێویستە تا دوو رۆژی دیكە جێگرەوەی مالیكی دیاری بكەن.
لە تۆڕە کۆمەڵایەتیەکان شەیری بکە