2 کاتژمێر پێش ئێستا
146 جار خوێنراوەتەوە
ترەمپ بۆ ئێرانییەکان: ئازا و بوێر بن، وڵاتەكەتان وەربگرنەوە ئەمریكا لەگەڵتاندایە
پەیام
دۆناڵد ترەمپ، سەرۆكی ئەمریكا، لە لێدوانێكیدا بۆ ڕۆژنامەی "نیویۆرك تایمز" پەردەی لەسەر قۆناغی دوای بە ئامانجگرتنی سەركردایەتی ئێران لادا و، رایگەیاند واشنتۆن پەیڕەوی لە ستراتیژییەتێكی سەربازی "درێژخایەن" دەكات كە ئامانج لێی ناچاركردنی تارانە بۆ ملكەچبوون بۆ ئیرادەی ئەمریكا و قەوارەی زایۆنی.
سەرۆكی ئەمریكا راشیگەیاند، هێرشەكان هێشتا كۆتایییان نەهاتووە و، سوپای ئەمریكا پلان بۆ بەردەوامبوونی هێرشەكانی دادەنێت بۆ ماوەی "4 تا 5 هەفتەی دیكە ئەگەر پێویست بكات"، ئەمەش نیشانەی ئەوەیە كە واشنتۆن دەیەوێت گوشارە سەربازییەكانی سەر تاران بگەیەنێتە لوتكە تا گەیشتن بە ئامانجە سیاسییەكانی.
تڕەمپ ڕووی لە ئێرانییەكان كرد و رایگەیاند، "من بەڵێنی خۆمم جێبەجێ كردو و ئەوەی ماوەتەوە لەسەر ئێوەیە كە ئەنجامی بدەن، بەڵام ئێمە لەگەڵتان دەبین و یارمەتیتان دەدەین".
هەروەها وتیشی، "ئازا و بوێر بن، وڵاتەكەتان وەربگرنەوە. ئەمریكا لەگەڵتاندایە".
لە تۆڕە کۆمەڵایەتیەکان شەیری بکە