1 کاتژمێر پێش ئێستا
112 جار خوێنراوەتەوە
کۆنسوڵخانەی گشتیی تورکیا لە ھەولێر: دڵگرانین بە گیانلەدەستدانی ھێزەکانی پێشمەرگە
کۆنسوڵخانەی گشتیی تورکیا لە ھەولێر دڵگرانی خۆی بە گیانلەدەستدانی ژمارەیەک پێشمەرگە نیشانداوە، ھەروەھا سەرەخۆشیی خۆی ئاراستەی بنەماڵەی قوربانییەکان، حکوومەتی ھەرێمی کوردستان و گەلی عێراق کردووە.
کۆنسوڵخانەی گشتیی تورکیا لە ھەولێر پەیامێکی بڵاوکردەوە و تیایدا دڵگرانی خۆی بە گیانلەدەستدانی ژمارەیەک پێشمەرگە نیشانداوە.
ھەروەھا کۆنسوڵخانەکە ڕاشیگەیاندووە: "سەرەخۆشیی خۆمان ئاراستەی بنەماڵەی قوربانییەکان، حکوومەتی ھەرێمی کوردستان و گەلی عێراق دەکەین".
ڕۆژی ٢٤ی ئەم مانگە لە دوو کاتی جیاوازدا دوو ھێرش کرایە سەر بارەگاکانی فیرقەی ٧ لە گوندی کەلەکین سنووری قەزای خەلیفان لە پارێزگای ھەولێر.
وەزارەتی پێشمەرگە ڕایگەیاندووە کە لە ئاکامی ھێرشەکاندا، شەش پێشمەرگە شەھید و ٣٠ی دیکەیش برینداربوون.
لە تۆڕە کۆمەڵایەتیەکان شەیری بکە