ئه‌ورووپا داوای ڕاگرتنی جه‌نگ له‌ باشووری لوبنان ده‌كات

ئیسرائیل پلانی داگیرکردنی بەشێکی خاکی لونان و دروستکردنی ناوچەیەکی دابڕاوی داناوە، لە بەرامبەردا وڵاتانی ئەورووپا داوای ڕاگرتنی هێرشەکانی ئیسڕائیل دەکەن. 
بنیامین نەتانیاهۆ، سەرۆکوەزیرانی قەوارەی زایۆنی ڕایگەیاند جەنگی لوبنان سەربەخۆیە و ئەگەر لەگەڵ ئێرانیش ئاگربەست بکرێت، ئەوان لە هێرشەکانیان بۆ دروستکردنی پشتێنەیەکی ئەمنی و دەستبەسەرداگرتنی بەشێکی خاکی لوبنان بەردەوام دەبن، هەروەها یسرائیل کاتس، وەزیری بەرگریی ئیسرائیل ڕایگەیاند، سوپاکەیان ناوچەیەکی دابڕاو لە باشووری لوبنان تاوەکو ڕووباری لیتانی دروست دەکەن و هەموو ئەو گوندانەی نزیکن لە سنوور وێران دەکەن. 
لە بەرانبەردا حکومەتی لوبنان داوایەکی بەپەلەی ئاڕاستەی ئەنجومەنی ئاسایش کردووە و داوای کرد هەڵوێستی هەبێت بۆ ڕێگری لە دەستدرێژییەکانی ئیسرائیل. 
هاوکات ١٠ وڵاتی ئەوروپی لە بەیاننامەیەکی هاوبەشدا پشتگیریی خۆیان بۆ گەلی لوبنان دەربڕی و هۆشدارییان دا لە مەترسیی ئاوارەبوونی زیاتر لە ملیۆنێک کەس و فراوانبوونی بازنەی ململانێکان. 
هەروەها یەکێتی ئەوروپا و وڵاتانی ڕۆژئاوا داوای دەستپێکردنی گفتوگۆی ڕاستەوخۆیان لەنێوان هەردوو وڵات کردووە بۆ کۆتاییهێنان بەو جەنگەی کە پێیان وایە دەنگی لوبنان نییە ".