له‌ لوبنانه‌وه‌ ده‌یان مووشه‌ك ئاڕاسته‌ی ئیسرائیل كرا

حزبوڵڵای لوبنان ڕایگەیاند بە ئاراستەکردنی مووشەک، چوار ھێرشیان کردووەتە سەر ژمارەیەک گردبوونەوە و خاڵی سەربازیی ئیسرائیل. 
لە چەند ڕاگەیاندراوێکدا کە لەلایەن حزبوڵڵای لوبنانەوە بڵاوکراونەتەوە ئاماژە بەوەدراوە کە ئیسرائیل پابەندنەبووە بە ڕێککەوتنی ئاگربەست و بەردەوامە لە ھێرشەکانی بۆ سەر لوبنان. 
ھەروەھا حزبوڵڵای لوبنان وەک وەڵامێک بۆ پێشێلکردنی ئاگربەست لەلایەن ئیسرائیلەوە، بە ئاراستەکردنی مووشەک چوار ھێرشیان کردووەتە سەر سەربازانی ئیسرائیل لە باشووری لوبنان و باکووری ئیسرائیل. 
جەختی لەوەش کردووەتەوە کە بەردەوام دەبن لە ھێرشەکانیان بۆ سەر ئیسرائیل، تا ئەو کاتەی سوپای ئیسرائیل ھێرشەکانیان بۆ سەر لوبنان دەوەستێنێت.