بایرن میونخ پێکانی یاریزانێکی لاوی ڕاگەیاند

پەیام سپۆڕت - مەڕوان تاڵیب

یانەی بایرن میونخ پێش یاریی گەڕانەوەی دژی ڕیاڵ مەدرید پێکانی یاریزانێکی لاوی ڕاگەیاند.

 لە بەیاننامەیەکی فەڕمیدا، یانە باڤارییەکە ئاشکرای کردووە، لێنارت کارڵ تووشی پێکان بووە لە ماسولکەی پشتەوەی ڕانی و بۆ ماوەیەک لە یاریگاکان دوور دەکەوێتەوە.

سەبارەت بە ماوەی دابڕانی لە یاریکردن، میدیاکان ئاماژە بەوە دەکەن، لە باشترین دۆخدا ئەم پێکانە نزیکەی یەک تاکو سێ هەفتەی پێویست دەبێت، ئەگەر ماسولکەی کەمێک پچڕابێت دەگاتە چوار تاکو شەش هەفتە، لە حاڵەتی پچرانی تەواوەتی ماسولکەی سێ مانگ دوور دەکەوێتەوە.

ئەمەش گورزێکی کوشندەیە پێش یاریی گەڕانەوەی ڕۆژی سێشەممە دژی ڕیاڵ مەدرید، بەو پێیەی کارڵ لەم وەرزە لە 36 یاریدا بەشداری 9 گۆڵ و 7 ئاسیستی کردووە.