ئێران: له‌کاتى دەستپێکردنى ئاگربه‌سته‌وە، هیچ هێرشێكمان نه‌كردووه‌

پەیام

سوپای پاسدارانی كۆماری ئیسلامی ئێران له‌ به‌یاننامه‌یه‌كدا  بڵاویکردووەتەوە، له‌کاتى دەستپێکردنى ئاگربه‌سته‌وە، هیچ هێرشێكیان نه‌كردووه‌، ئه‌گه‌ر هەر هێرشێکیش کرابێتە سه‌ر وڵاتانی ناوچه‌كه‌، ئه‌وا كاری ئیسرائیله‌.

ڕاشیگەیاندووە، لە ماوەی چەند کاتژمێری ڕابردوودا سەرچاوەکانى هەواڵ ڕاپۆرتیان سەبارەت بە هێرشی فڕۆکەی بێفڕۆکەوان و موشەکی بۆ سەر دامەزراوەکانی هەندێک وڵات لە کەنارەکانی باشووری کەنداوی فارس بڵاوکردەوە، "ئەگەر هێرشى لەو شێوەکرابێت، ئەوە کارى ئێمە نەبووە".

ئاماژه‌ی به‌وه‌شكردوه‌، هێزە چەکدارەکانی کۆماری ئیسلامی ئێران لە ماوەی ده‌ستپێكی ئاگربەست تاوه‌كو ئەمکاتە هیچ موشەکێکیان بۆ هیچ وڵاتێک ڕه‌وانه‌ نه‌كردووه‌.

سوپای پاسداران جەختى لەوە کردووەتەوە، "ئەگەر ئەو ڕاپۆرتانەی کە لە لایەن میدیاکانەوە بڵاودەکرێنەوە ڕاست بن، بێگومان کاری دوژمنی زایۆنیستی یان ئەمریکایە".
 
ئەوەشى خستووەتەڕوو "هێزەکانمان ئەگەر هەر هێرشێك بكه‌ن، بوێرانە لە بەیاننامەیەکی فەرمیدا ڕایدەگەیەنن و هەرکارێک کە لە لێدوانەکانی کۆماری ئیسلامی ئێراندا نەبێت هیچ پەیوەندییەکی بە ئێمەوە نییە".

لە رۆژى 8ى 4ى 2026 ەوە ئاگربەست لە نێوان ئەمریکا و ئێران چووەتە بوارى جێبەجێکردنەوە و ئەو دوو وڵاتە هێرشەکانیان بۆ سەر یەکترى ڕاگرتووە.