عێراق بە نرخی پاڵپشتیكراو دۆلار دەداتە حاجییانى ئەمساڵ

پەیام

ئەو کەسانەى ناویان بۆ حەجى ئەمساڵ دەرچووە، بانكی ناوەندی عێراق بڕى دوو هەزار دۆلاریان  بە نرخی پاڵپشتیكراو دۆلار پی دەفرۆشێت.

بانكی ناوەندی عێراق رێنماییەكی نوێی بۆ ئەو كەسانە بڵاوكردووەتەوە كە ناویان بۆ بەجێگەیاندنی فەریزەی حەجی ئەمساڵ دەرچووە و ڕایدەگەیەنێت، بە نرخی پاڵپشتیكراو دۆلاریان پێ دەفرۆشن.

ڕاشیگەیاندووە، ئەو كەسانەی فەریزەی حەج بەجێدەگەیەنن، بڕی دوو هەزار دۆلاریان بەنرخی بانكی ناوەندی پێدەدرێت، واتە بۆ هەر دۆلارێك هەزار و 320 دینار و لە 13ی ئەم مانگەشەوە بڕیارەكە جێبەجێ دەكرێت.

ئاماژەی بەوەشكردووە، پێویستە ئەو كەسە خۆی ئامادە بێت بۆ وەرگرتنی ئەو بڕە دۆلارە و هەموو مامەڵەكانیش لە رێگەی سەكۆی ئەلیكترۆنی FITR تۆمار بكرێن، تەنیا ئەوانەش سودمەند دەبن كە ناویان لە لیستی دەستەی باڵای حەج و عومرەی عیراقدا بڵاوكراوەتەوە.

ئەمساڵ 5120 کەس لە هەرێمى کوردستان ناویان دەرچووە فەریزەى حەج بە ئەنجامبگەیەنن و سەردانى وڵاتى سعودیە بکەن.

لەبارەى یەکەم گەشتى حاجییانیشەوە کاروان ستوونی، وتەبێژی بەڕێوەبەرایەتیی حەج و عومرەى هەرێم ڕایگەیاندووە، ئەگەر دۆخی ناوچەکە لەباربێ رۆژى 78ى 5ى 2026 یەکەم گەشتی حاجییانى هەرێم بە فرۆكە بۆ سعودیە دەستپێدەکات.