4 رۆژ پێش ئێستا
187 جار خوێنراوەتەوە
کۆمپانیایەک: کەشتییەکمان لە نزیک بەندەری ئوم قەسر کراوەتە ئامانج
پەیام
کۆمپانیای جیهانیی "MSC" بۆ بواری گواستنەوەى دەریایی ڕایگەیاند، کەشتییەکیان لە کاتی بەجێهێشتنی بەندەری ئوم قەسری عێراقی بە دوو مووشەک کراوەتە ئامانج، بەبێ ئەوەی هیچ زیانێکی گیانی لێبکەوێتەوە.
کۆمپانیاکە لە بەیاننامەیەکدا جەختی کردۆتەوە کە سەرجەم ستافی کەشتییەکە (SARISKA) سەلامەتن و هیچ زیانێکیان پێ نەگەیشتووە. هاوکات ئاماژەی بەوەش کردووە کە ئەوان کۆمپانیایەکی بێلایەنن و هیچ جۆرە پەیوەندی و بەستەرێکیان لەگەڵ ویلایەتە یەکگرتووەکانی ئەمریکا یان ئیسرائیلدا نییە.
ئەم ڕاگەیەندراوەی کۆمپانیای ناوبراو دوای ئەوە دێت کە دەسەڵاتی باڵای دەریایی عێراق، دۆخی ئامادەباشی ڕاگەیاند بە مەبەستی لێکۆڵینەوە لە وردەکاریی ئەو ڕووداوەی کە لەناو ئاوە هەرێمییەکانی عێراقدا ڕوویداوە.
لەلایەکی دیکەوە، سەرچاوەیەکی ئەمنیی عێراقی ئاشکرای کردووە کە ئەو کەشتییە زەبەلاحە ئاڵای پەنەمای هەڵگرتووە و لە ڕێگەی فڕۆکەیەکی بێفڕۆکەوانەوە (درۆن) کراوەتە ئامانج. بەهۆی ڕووداوەکەشەوە ٢٠ دەریاوان لە ستافی کەشتییەکە ڕادەستی بنکەی گەڕان و ڕزگارکردن لە بەندەری فاو کراون، بێ ئەوەی برینداری لێبکەوێتەوە.
لە تۆڕە کۆمەڵایەتیەکان شەیری بکە