لایەنەکان بۆ یەكلاكردنەوەی كۆبوونەوەکەی پەرلەمانى عێراق، كۆدەبنەوە

پەیام

ئەندامێكی چوارچێوەی هەماهەنگی ڕایگەیاند، بە مەبەستی دروستكردنی لێكتێگەیشتن و گرەنتیكردنی سەركەوتنی دانیشتنی سبەینێی ئەنجومەنی نوێنەران كە تایبەتە بە هەڵبژاردنی سەرۆككۆمار، ئەمڕۆ هێزە سیاسییەكان كۆبوونەوەیەكی گرنگ ئەنجام دەدەن.

عودەی عەبدولهادی، ئەندامی چوارچێوەی هەماهەنگی ئاماژەی بەوە كرد، ئامانجی ئەم هەوڵانە فەراهەمكردنی كەشێكی گونجاوە بۆ خێراكردنی هەنگاوە یاساییەكان. جەختیشی كردەوە، كە بەهۆی قەبارەی تەحەدییەكان، هەڵبژاردنی سەرۆك كۆمار لە پێشینەی كارەكاندایە.

ناوبراو ڕوونیكردەوە، دوای یەكلاكردنەوەی پۆستی سەرۆككۆمار، كاندیدی كوتلەی گەورە بۆ پێكهێنانی كابینەی نوێی وەزاری ڕادەسپێردرێت و بەوەش كۆتایی بە دۆسیەی پێكهێنانی حكومەت دەهێنرێت.

رۆژى 11ى 11ى 2025 دەنگدانی گشتی بۆ هەڵبژاردنی خولی شەشەمی ئەنجوومەنی نوێنەرانی عێراق بەڕێوەچوو، دواى 5 مانگ لە هەڵبژاردن تائێستا نەتوانراوە سەرۆککۆمار و سەرۆکوەزیرانى نوێى عێراق هەڵبژێردرێت.