چوارچێوەی هەماهەنگی بەئامانجگرتنی بەرژەوەندییەكانی عێراق ڕەتدەکاتەوە

پەیام

عەمار حەكیم جەخت دەكاتەوە كە چوارچێوەی هەماهەنگی بۆ پاراستنی بەرژەوەندییەكانی عێراق و پەرەنەسەندنی زیاتری ئاڵۆزییەكان جەخت لە سێ نەخێر دەكاتەوە. کە بریتین لە: (نەخێر بۆ بەئامانجگرتنی بەرژەوەندییەكانی عێراق)، (نەخێر بۆ هێرشكردنە سەر نێردە نێودەوڵەتییەكان) و (نەخێر بۆ هەڕەشەكردن لە وڵاتانی دراوسێ).

لە میانی دیداری لەگەڵ ژمارەیەك لە دەستەبژێرانی سیاسی و كۆمەڵایەتی لە چالاكییەكانی دیوانی بەغداد، عەمار حەكیم سەرۆكی ڕەوتی حیكمەی نیشتمانیی ڕایگەیاند: دوای ئەوەی ئاسمانی عێراق بوو بە شانۆی هێزی ئاسمانیی بیانی سەروەریی عێراق پێشێل كراوە.

لە بەشێكی دیكەی قسەكانیدا، عەمار حەكیم وتیشی: چوارچێوەی هەماهەنگی بۆ پاراستنی بەرژەوەندییەكانی عێراق و پەرەنەسەندنی زیاتری ئاڵۆزییەكان، سێ بنەمای (نەخێر بۆ بەئامانجگرتنی بەرژەوەندییەكانی عێراق)، (نەخێر بۆ هێرشكردنە سەر نێردە نێودەوڵەتییەكان) و (نەخێر بۆ هەڕەشەكردن لە وڵاتانی دراوسێ) پەیڕەو دەكات.

سەرۆكی ڕەوتی حیكمەی نیشتمانی هۆشدارییشی دا لە ئەگەری پەراوێزكەوتنی عێراق لە دوای جەنگ و و داوایشی كرد یەكڕیزی نیشتمانی و هاوكێشەی پێشختنی عێراق بەسەر هەر گوتارێكی دیكە زاڵ بكرێت و بانگەوازی ڕەتكردنەوەی گوتاری تەخوینكردنیشی كرد.