12/04/2026
209 جار خوێنراوەتەوە
دواى ڕێکنەکەوتنیان، داوا لە ئەمریكا و ئێران دەكرێت پابەندی ئاگربەست بن
پەیام
دوای كۆتاییهاتنی گەڕی یەكەمی دانوستانی ئەمریكا و ئێران لە ئیسلامئاباد، حكومەتی پاكستان لەبارەی داهاتووی ئاسایشی جیهانەوە هۆشداری دەدات و جەخت دەكاتەوە كە مانەوەی ئاگربەستی نێوان واشنتۆن و تاران زۆر چارەنووسسازە.
محەممەد ئیسحاق دار، وەزیری دەرەوەی پاكستان لە پەیامێكدا كە ڕۆژی یەكشەممە لە هەژماری وەزارەتەكەی لە (ئێكس) بڵاویكردووەتەوە، سوپاسی هەردوو شاندی ئەمریكا و ئێرانی كرد بۆ ئەوەی بانگهێشتەكەی پاكستانیان بۆ ئەنجامدانی دانوستانی ئاشتی قبووڵ كرد. ڕاشیگەیاند: شاندی ئێران بە سەرۆكایەتیی محەممەد باقر قاڵیباف و شاندی ئەمریكاش بە سەرۆكایەتیی جەی دی ڤانس، بۆ ماوەی نزیكەی (24) كاتژمێر لە ئیسلام ئاباد لە دانوستانی چڕدا بوون، بەڵام نەیانتوانیوە بگەنە ئەنجام.
سەبارەت بە لێكەوتەكانی شكستی ئەم گەڕەی دانوستان، (ئیسحاق دار) هۆشداریی دا كە بەدیهێنانی ئاشتی و سەقامگیرییەكی هەمیشەیی، تەنیا پەیوەست نییە بەم ناوچەیە، بەڵكو بۆ تەواوی جیهان گرنگییەكی یەكلاكەرەوەی هەیە.
وەزیرە پاكستان جەختی لەسەر پاراستنی دۆخی ئێستا كردەوە و ڕاشیگەیاند: "لەم كاتەدا، بەردەوامبوونی پابەندبوونی هەردوو لایەن بە ڕاگرتنی تەقەكردنەوە، بابەتێكی یەكجار گرنگ و مەترسیدارە.
لە تۆڕە کۆمەڵایەتیەکان شەیری بکە