ئێران: ئاسایشی بەندەرەکانمان سەلامەت نەبێت هیچ بەندەرێکی ناوچەکە سەلامەت نابێت

پەیام
وتەبێژی بارەگای ناوەندیی خاتەمولئەنبیا ڕایگەیاند، ئاسایشی بەندەرەکان لە کەنداو و دەریای عوماندا پەیوەستە بە یەکەوە و هۆشداری دەدات کە لە ئەگەری هەر هەڕەشەیەکدا، ڕێگری لە هاتوچۆی کەشتییەکان لە گەرووی هورمز دەکرێت. 
وتەبێژی بارەگای ناوەندیی خاتەمولئەنبیا هۆشدار دەدات کە ئاسایشی بەندەرەکان لە کەنداو و دەریای عوماندا پرسێکی گشتگیرە و یان دەبێت بۆ هەمووان بێت یان بۆ هیچ وڵاتێک نابێت. ئاماژەی بەوەش کردووە، ئەگەر ئاسایشی بەندەرەکانی کۆماری ئیسلامیی ئێران بکەوێتە مەترسییەوە، ئەوا هیچ بەندەرێکی دیکە لە ناوچەکەدا لە پارێزراویدا نابێت. 
سەبارەت بە هاتوچۆی دەریایی لە گەرووی هورمز، وتەبێژەکە جەختی کردەوەشتییە نەوتهەڵگرەکان سەر بە لایەنە دوژمنەکان مافی تێپەڕبوونیان لەو گەرووە نییە و ڕێگەیان پێنادرێت. هاوکات ئاماژەی پێ کرد کە کەشتییەکانی دیکە دەتوانن بە ڕەچاوکردنی ڕێکار و یاساکانی هێزە چەکدارەکانی ئێران، وەک پێشوو بە گەرووەکەدا تێپەڕن. 
لە بەشێکی دیکەی قسەکانیدا، وتەبێژی خاتەمولئەنبیا ئاشکرای کرد کە تەنانەت دوای کۆتایی هاتنی جەنگیش، کۆماری ئیسلامیی ئێران بە توندی میکانیزمێکی هەمیشەیی بۆ کۆنترۆڵکردنی گەرووی هورمز پەیڕەو دەکات و ڕێکارە ئەمنییەکانی لەو ناوچە ستراتیژییەدا بەردەوام دەبن.