ئارتێتا گەڕانەوەی دوو یاریزانی گرنگی بۆ ڕووبەڕووی نیوکاسڵ ئاشکرا کرد

پەیام سپۆڕت - بڕیار تەها 
میکێل ئارتێتای ڕاهێنەری یانەی ئارسیناڵ، گەڕانەوەی ساکا و کالافیۆری بۆ پێکهاتەی تیپەکەی بەرامبەر نیوکاسڵ ڕادەگەیەنێت.

 بەر لە ڕووبەڕووبوونەوەی سەختی بەرامبەر نیوکاسڵ، میکێل ئارتێتای ڕاهێنەری ئارسیناڵ هەواڵێکی دڵخۆشکەری بە هاندەران دا و گەڕانەوەی بوکایۆ ساکا و ڕیکاردۆ کالافیۆری بۆ لیستی یارییەکە پشتڕاست کردەوە، هەرچەندە ئاشکرای کرد کە یوریان تێمبەر هێشتا ئامادە نییە.

 ئارتێتا لە درێژەی قسەکانیدا جەختی لەوە کردەوە کە دڵنیابوون لە ئامادەیی تەواوی یاریزانەکان، گرنگترین وانەیە کە لە ڕابردووەوە فێری بوون.

ڕاهێنەرە ئیسپانییەکە  لە کۆتای قسەکانیدا ئاماژەی بەوەش کرد، هەر یارییەک تایبەتمەندی خۆی هەیە و وتی: "ئەرکی سەرەکی ئێمە گەیاندنی یاریزانەکانە بۆ باشترین ئاستی جەستەیی و دەروونی، بۆ ئەوەی متمانە و بڕوایەکی تەواومان هەبێت کە دەتوانین بە ئامانجەکانمان بگەین.