هاندەرێکی ئارسیناڵ سکاڵا دژی یانەکە تۆمار دەکات

پەیام سپۆرت - بڕیار تەها
هاندەرێكی یانەی ئارسیناڵی لەندەنی پەتی ئارامی چراوە و لە بنکەیەکی پۆلیس سکاڵای دژی یانەکەی تۆمار کردووە و دەڵێت: ئاستی تیپەکە هەمووانی تووشی دڵەڕوکێ کردووە.

 ئێریک کیاما، هاندەری یانەی ئارسیناڵە لە وڵاتی ئۆگاندا، هەنگاوێکی دەگمەنی ناوە و بە فەرمی سکاڵای یاسایی لە دژی یانە لەندەنییەکە تۆمار کر، کیاما دەڵێت دوای شکستی دوێنێی تیپەکە بەرانبەر بۆرنمۆس، تووشی ئازاری دەروونی، دڵەڕاوکێ و فشاری سۆزداری بووە، ئاستی ئێستای یانەکە و یاریزانەکانیشی بە "قبوڵنەکراو" باس کردووە.

ئەم هاندەرە لە سکاڵاکەیدا تیشکی خستووەتە سەر ئەوەی کە یاریزانەکان و میکێل ئارتێتای ڕاهێنەر، نەیانتوانیوە ئەرکی پیشەگەری خۆیان جێبەجێ بکەن، ئەو پێی وایە کاتێک هاندەران کات و پارەیەکی زۆر خەرج دەکەن، هەر جۆرە کەمتەرخەمییەک لەلایەن تیپەکەوە وەک "زیان" بۆ سەر هاندەران هەژمار دەکرێت.

ئەم هاندەرە دوو مەرجی بۆ یانەکە داناوە تاوەکو لە سکاڵاکەی پاشەکشە بکات: یەکەم، پێشکەشکردنی ڕوونکردنەوەیەکی فەرمی لەلایەن یانەکەوە بۆ هاندەران، دووەم، دانانی پلانێکی ڕوون و خێرا بۆ گەڕانەوەی ئاستی ڕاستەقینەی ئارسیناڵ.

کیاما هۆشداری داوە ئەگەر داواکارییەکانی جێبەجێ نەکرێن، داوای قەرەبووی مادی بۆ ئەو زیانە دەروونییانە دەکات کە بەهۆی ئەنجام و ئاستی یانەکەوە تووشی بووە.