02/05/2026
452 جار خوێنراوەتەوە
ئەو سێ منداڵەى کەوتنە ناو رووباری گەلی عەلی بەگ تائێستا نەدۆزراونەتەوە
پەیام
شەوى ڕابردوو ئۆتۆمبێلێک کە پێنج سەرنشینی تێدابوو، کەوتە ناو رووباری گەلی عەلی بەگ و دایک و باوکیان ڕزگاریان بوو، بەڵام سێ منداڵیان بە ئوتومبێلەکەوە تائێستا بێسەروشوێنن.
ئازاد ئۆمەراوایی پەیامنێرى پەیام لە سنوورى ئیدارەى سۆران، ڕایگەیاند، گەڕان بەدواى ئوتومبێلى ئەو خێزانە و سێ منداڵەکەیان بەردەوامە و تائێستا نەتوانراوە بدۆزرێنەوە، بەوپێیەى ئاوەکە زۆرە و خێراییەکى توندى هەیە.
ئاماژەى بەوەشکرد، ئەو خێزانە دانیشتووی هەولێرن و بەمەبەستى سەیران هاتوونەتە دەڤەرى سۆران و لە نزیک هاوینەهەواری کانی ماران ئۆتۆمبێلەکەیان کەوتووەتە ناو ڕووبارى گەلى عەلى بەگ.
لە تۆڕە کۆمەڵایەتیەکان شەیری بکە