2 کاتژمێر پێش ئێستا
135 جار خوێنراوەتەوە
خامنەیی: هێزی سەربازیمان خۆى سەلماندووە و كاتی سەركەوتنمانە لە جەنگی ئابووری دا
پەیام
موجتهبا خامنهیی ڕێبەری باڵای ئێران داوای تێكشكاندنی دوژمن دەكات لە قۆناغی "جیهادی ئابووری"دا و مامۆستایان و كرێكاران بە كاریگەرترین چەك بۆ ڕووبەڕووبوونەوەی ئاڵنگارییەكان لەقەڵەم دەدات.
ڕێبەری ئێران لە پەیامێكدا بەبۆنەی ڕۆژی جیهانیی كرێكاران و مامۆستایانەوە كە لە وڵاتەكەی دەکاتە رۆژى هەینى و شەممە واتە 11 و 12ی ئوردیبهشت، ڕایگەیاند، كۆماری ئیسلامی دوای 47 ساڵ خەبات، هێزی سەربازیی خۆی بە جیهان سەلماندووە و ئێستا كاتی سەركەوتنە لە جەنگی ئابووری و فەرهەنگیدا.
خامنەیی جەختی كردەوە كە مامۆستایان بەرپرسن لە پاراستنی ناسنامەی ئیسلامی لای گەنجان، كرێكارانیش وەك "سەرمایەی نیشتمانی" كەرەستەی سەرەكیی گەشەی ئابوورین.
هەروەها داوای كرد بەرهەمی ناوخۆیی بكرێتە ئەولەویەت و ڕێگری لە دەركردنی كرێكاران لە كارگەكانی بەرهەمهێنان بكرێت.
ئاماژەی بەوەش كرد، مەیدانی كار لە ماڵەوە تاوەكو كارگە و كێڵگەكان درێژ دەبێتەوە، و هەوڵی جدی و پابەندبوون كلیلی سەركەوتنە مەزنەكانن بۆ تێپەڕاندنی هەموو ئەو ئاستەنگانەی ڕووبەڕووی وڵات دەبنەوە.
لە تۆڕە کۆمەڵایەتیەکان شەیری بکە