پێش 2 هەفتە
165 جار خوێنراوەتەوە
ترەمپ پشتیوانى خۆى بۆ عەلى زەیدى دووپاتکردەوە
پەیام
سەرۆكی ئەمریكا كاندیدی ڕاسپێردراو بۆ پێكهێنانی حكومەتی نوێی عێراق بە پیاوێكی باش ناودەبات و دەڵێت پشتیوانی واشنتۆنی بەدەستهێناوە.
دۆناڵد ترەمپ، سەرۆكی ئەمریكا لە لێدوانێكدا ڕایگەیاند: پەیوەندی تەلەفونی لەگەڵ عەلی زەیدی، كاندیدی سەرۆك وەزیرانی عێراق ئەنجامداوە و بە پیاوێكی باش ناویبرد و پشتیوانی ئەمریكای بۆ دووپاتكردەوە.
ترەمپ وتی: بە كاندیدی سەرۆك وەزیرانی عێراقی ڕاگەیاندووە ئەمریكا لە تەنیشتیەوە دەوەستێت تاوەكو كۆتایی و ئاماژەی بەوەكرد ناوبراو یارمەتی واشنتۆنی بەدەست هێناوە.
دوێنێ دۆناڵد ترەمپ، سەرۆكی ئەمریكا پەیوەندییەكی تەلەفونی لەگەڵ عەلی فالح زەیدی ئەنجامدا و پیرۆزبایی لێكرد بەبۆنەی ڕاسپاردنی بۆ پێكهێنانی حكومەتی نوێی عێراق و بانگهێشتی كرد بۆ سەردانی كردنی واشنتۆن لەدوای پێكهێنانی كابینەكەی.
لە تۆڕە کۆمەڵایەتیەکان شەیری بکە