پێش 4 هەفتە
264 جار خوێنراوەتەوە
یەكەمین كاروانی حاجیانی عێراق لە ڕێگەی وشكانییەوە بەرەو سعودیە بەڕێ كەوت
پەیام
یەكەمین كاروانی حاجیانی عێراق لە ڕێگەی وشكانییەوە بەرەو سعودیە بەڕێ كەوت و سەرەتاى مانگى داهاتووش یەکەم کاروانى حاجییانى هەرێم بەڕێدەکەون.
ئەمڕۆ شەممە، دەستەی باڵای حەج و عەمرەی عێراق دەستپێكردنی یەكەمین كاروانی حاجیانی لە پارێزگاكانی بەسرە، میسان و موسەناوە بەرەو سعودیە بە ڕێگەی وشكانی ڕاگەیاند و بڕیارە لە ڕۆژانی داهاتوویشدا حاجیانی بەغدا و پارێزگاكانی دیكەیش بەپێی خشتەیەكی كاتی بەڕێ بكەون.
پڕۆسەی حەجی ئەمساڵ جیاواز لە ساڵانی ڕابردوو تەنیا لەڕێگەی وشكانییەوە دەبێت دەستەكە بۆ ئەو مەبەستە پاسی مۆدێرن و خزمەتگوزاری حەوانەوەی بۆ حاجییان دابینكردووە.
دەستەی حەج دووپاتی دەكاتەوە كە پرۆسەی گواستنەوەكە بە هەماهەنگی لەگەڵ هێزە ئەمنییەكان، حكومەتە خۆجێییەكان و هەرێمی كوردستان و وەزارەتی تەندروستی بەڕێوە دەچێت.
لە تۆڕە کۆمەڵایەتیەکان شەیری بکە