2 کاتژمێر پێش ئێستا
161 جار خوێنراوەتەوە
عێراق لەڕێگەى تەكنەلۆژیای نوێی ئاودێرییەوە دانەوێڵەیەکى زۆر بەرهەمدەهێنێت
پەیام
وەزارەتی كشتوكاڵی عێراق گەیشتن بە بەرهەمهێنانی زۆری گەنم و برنج و بەكارهێنانی تەكنەلۆژیای نوێی ئاودێری ڕاگەیاند.
مەهدی سەهر جبوری، بریكاری وەزارەتەكە ئاماژەی بەوە كرد، پڕۆژەكانیان بۆ پەرەپێدانی تۆوی پلەبەرز لە هەموو پارێزگاكان سەركەوتوو بوون، كە بەرگەی وشكەساڵی و سوێری دەگرن.
وەزارەت تەكنەلۆژیای مۆدێرنی وەك ئاودێری دڵۆپاندن، ئامێری لەیزەری و هەستەوەری دوور مەودای بۆ پاراستنی سەرچاوە ئاوییەكان و چاودێری زەوییەكان بەكارهێناوە.
ئەم دەستپێشخەرییانە بوونەتە هۆی كەمكردنەوەی تێچووی بەرهەمهێنان، ڕەخساندنی هەلی كار و گۆڕینی كشتوكاڵی تەقلیدی بۆ زیرەك. هەروەها پشتگیری لە پڕۆژە بچووكەكان و كشتوكاڵی داپۆشراو دەكرێت بۆ پڕكردنەوەی پێداویستییە ناوخۆییەكان لە هەموو وەرزەكاندا.
لە تۆڕە کۆمەڵایەتیەکان شەیری بکە