ئاسیاسێڵ: قازانجى نەختینەییمان زیادى کردووە

پەیام

كۆمپانیای ئاسیاسێڵ ئاماژە بە بەهێزیی داراییەکەى دەکات و ڕایدەگەیەنێت قازانجی نەختینەیی لە ساڵى 2025 بە ڕێژەی 150% زیادى کردووە.

لە ڕاگەیەنراوێكدا، كۆمپانیای ئاسیاسێڵ بۆ پەیوەندییەكان، ئەمڕۆ شەممە دابەشكردنی قازانجی نەختینەیی بە ڕێژەی 150% پەسەند كرد.

لەو ڕاگەیەنراوەدا كە دوابەدوای كۆبوونەوەی دەستەی گشتی لە شاری سلێمانی بڵاوی كردەوە، ئاسیاسێڵ ڕایگەیاند: لە كۆبوونەوەكەدا ڕاپۆرتی وردبینی و ژمێریاری و ڕاگەیەنراوە داراییەكانی كۆمپانیا بۆ ساڵی 2025، هەروەها دیارییكردنی وردبینیكاری دەرەكی بۆ پێداچوونەوە و وردبینی ژمێرەكانی كۆمپانیا بۆ ساڵی 2026 پەسەند كران.

بەپێی ڕاگەیەنراوەكە، لە كۆبوونەوەكەدا دەستەی گشتی ڕەزامەندی لەسەر دابەشكردنی قازانجی نەختینەیی بە ڕێژەی 150% پەسەند كرد كە بۆ هەر پشكێك كە لە تۆماری خاوەن پشكەكانی كۆمپانیا 1.5 ملیار دینار دەكات و كۆمپانیاكە ئەمەشی بە "مایەی ئەدای بەهێزی دارایی" و "بەردەستبوونی باڵانسی نەختینەیی و زیادەی كەڵەكەبوو" ناو برد و ڕایشیگەیاند: قازانجەكە بەسەر خاوەن پشكەكاندا هەر لە ڕۆژی كۆبوونەوەكەدا خەرج بكرێت.