بەنداوە ستراتیژییەكەی دوكان لەبەردەم سەرڕێژبوونی مێژووییدایە

پەیام

بەنداوە ستراتیژییەكەی دوكان تەنها ٨٦ سانتیمەتری ماوە بۆ پڕبوونی تەواوەتی و لەبەردەم سەرڕێژبوونی مێژووییدایە.

بەپێی نوێترین ئامارەكان، ئاستی ئاوی بەنداوەكە ڕۆژانە ٦ بۆ ٨ سانتیمەتر زیاد دەكات و چاوەڕوان دەكرێت لە ماوەی ١٠ ڕۆژی داهاتوودا، بۆ سێیەمین جار لە مێژووی خۆیدا لە دوای ساڵانی ١٩٨٨ و ٢٠١٩ سەرڕێژ بكات.

 ئەم بەنداوە كە گەورەترین عەمباری ئاوە لەسەر ئاستی عێراق و توانای گرتنی حەوت ملیار مەتر سێجا ئاوی هەیە، وەك سامانێكی گرنگی ئابووری، كشتوكاڵی و سەرچاوەی سەرەكی دابینكردنی ئاوی خواردن بۆ دەیان شار و گوند و پارێزگای هەرێم و عێراق سەیر دەكرێت.

ئەمساڵ لە سەرجەم ناوچەکانى هەرێمى کوردستان بڕى باران بارین زۆر زیادیکرد و لە هەندێک ناوچە بەراورد بە ساڵى ڕابردوو سێ هێندە باران باریوە، ئەوەش بووە هۆى پڕبوونى زۆرێک لە پۆند و بەنداوەکانى هەرێم.