24/05/2026
283 جار خوێنراوەتەوە
نەتەنیاهوو مەترسی لە چارەسەرنەكردنی دۆسیەی ئەتۆمی ئێران بە ترەمپ گەیاندووە
پەیام
لە پەیوەندییەكی تەلەفۆنیدا سەرۆكوەزیرانی قەوارەی زایۆنی نیگەرانی خۆی و دامەزراوە ئەمنییەكانی قەوارەكەی لەبارەی پرسی ئەتۆمیی ئێران لە ڕێككەوتنە گەڵاڵەكراوەكە بە سەرۆكی ئەمریكا گەیاند.
دەستەی پەخشی زایۆنی لە زاری سەرچاوەیەكی ئاگادارەوە ڕایگەیاند: بنیامین نەتانیاهوو، سەرۆكوەزیران لە پەیوەندییەكی تەلەفۆنیدا لەگەڵ دۆناڵد ترەمپ، سەرۆكی ئەمریكا نیگەرانی خۆی لە دواخستنی چارەسەركردنی دۆسیەی ئەتۆمی ئێران دەربڕیوە و جەختی كردووەتەوە كە نابێت پرسی ئاگربەستی لوبنان بە ڕێككەوتنەكەوە ببەسترێتەوە.
سەرچاوەكە ڕاشیگەیاندووە: نەتەنیاهوو و دامەزراوە ئەمنییەكان پێیان وایە ئێران تەنیا كات دەكوژێت و دوای تێپەڕبوونی 60 ڕۆژ هیچ سازشێكی ڕاستەقینە لە پرۆسەكەدا ناكات.
هاوكات بەرپرسانی زایۆنی ڕێككەوتنە گەڵاڵەبووەكەی نێوان واشنتۆن و تاران بە "خراپ" ناوزەد دەكەن و دەڵێن: ئەو جۆرە ڕێككەوتنە وای نیشان دەدات كە گەرووی هورمز وەك چەكێكی كاریگەر لە دەستی ئێراندا دەمێنێتەوە.
ئەمەو بڕیاریشە ئەمشەو ئەنجومەنی وەزیرانی بچووككراوەی قەوارەی ئیسرائیل بۆ تاوتوێكردنی دوایین پێشهاتەكانی دانوستانەكان و ئەو مەترسییانەی لە ئەنجامی هەر ڕێككەوتنێكی نوێ لەگەڵ تاران لە ناوچەكەدا دروست دەبن، كۆ ببێتەوە.
لە تۆڕە کۆمەڵایەتیەکان شەیری بکە