24/05/2026
277 جار خوێنراوەتەوە
لە ئاكامی تەقینەوەی مینێک سێ ئەندامی دژەتیرۆری عێراق كوژران
پەیام
تەقینەوەیەك لە پارێزگای نەینەوا كوژرانی سێ ئەندامی دەزگای دژەتیرۆری عێراقی لێ كەوتەوە.
ئەمڕۆ، یەكشەممە، دەزگای دژەتیرۆری عێراق بڵاوی كردەوە: لە ئەنجامی هەڵمەتێكی پشكنین و كێوماڵ لە بیابانی قەزای حەزەر لە باشووری ڕۆژاوای پارێزگای نەینەوا، بۆمبێكی چێنراوی پاشماوەكانی ڕێكخراوی داعش بە هێزەكانیاندا تەقیوەتەوە.
بەپێی ڕاگەیانراوێك كە دەزگای دژەتیرۆر لە پەیجی خۆی لە تۆڕی كۆمەڵایەتی فەیسبووك بڵاوی كردووەتەوە "لە ئاكامی تەقینەوەكەدا سێ ئەندامی دەزگای دژەتیرۆر كوژراون و چواری دیكەیش بریندار بوون".
لە تۆڕە کۆمەڵایەتیەکان شەیری بکە