عێراق.. ڕۆژانە 40 ملیۆن لیتر بەنزین بۆ پڕكردنەوەی خواست دابین دەكرێت

پەیام

بۆ پڕكردنەوەی داواكارییە زیادبووەكانی نێوخۆ، عێراق بەرهەمهێنانی بەنزینی بۆ 40 ملیۆن لیتر بەرز كردەوە.

حوسێن تالیب، بەڕێوەبەری گشتیی كۆمپانیای دابەشكردنی بەرهەمە نەوتییەكان لە وەزارەتی نەوتی عێراق ڕایگەیاند، بەپێی ڕێنماییەكانی وەزارەت، ڕێكاری پێشوەختە بۆ دابینكردنی خەزێنی ستراتیژی سووتەمەنی گیراوەتە بەر، بەتایبەت بۆ ڕۆژانی جەژن و پشووەكان. 

ئاماژەی بەوەش كرد، بەنزینی نۆرماڵ و باشكراو لە ناوخۆدا بەرهەم دەهێنرێن و بڕی پێویست لە بازاڕدا هەیە. 

وتیشی: بەهۆی زیادبوونی گەشتەكان لە جەژنی قورباندا، بۆ ڕێگری لە دروستبوونی قەرەباڵغی لە وێستگەكاندا، بڕی دابەشكراوی ڕۆژانە لە 33 ملیۆن لیترەوە بۆ 40 ملیۆن لیتر بەرز كراوەتەوە.