6 رۆژ پێش ئێستا
337 جار خوێنراوەتەوە
ئهمریكا و ئێران هێرشیان كرده سهر چهند پێگهیهكی یهكتری
فەرماندەیی ناوەندیی ئەمریکا (سێنتکۆم) رایگەیاندووە، لە وەڵامی خستنەخوارەوەی فڕۆکەیەکی بێفڕۆکەوانیاندا، چەند پێگەیەکی ڕادار و کۆنترۆڵی درۆنەکانی لە باشووری ئێران بۆردومان کردووە، هاوکات سوپای پاسداران بنکەیەکی ئاسمانیی ئەمریکای کردە ئامانج.
بەیانیی ئەمڕۆ دووشەممە، فەرماندەیی ناوەندیی ئەمریکا ڕایگەیاند زنجیرەیەک هێرشی ئاسمانییان کردووەتە سەر چەند پێگەیەکی سەربازی لە باشووری ئێران. بەپێی بەیاننامەکەی سێنتکۆم، هێرشەکان بنکەکانی ڕادار و سەنتەرەکانی فەرماندەیی و کۆنترۆڵکردنی فڕۆکە بێفڕۆکەوانەکانیان لە ناوچەی غوروک و دوورگەی قەشمی ئێرانی پێکاوە.
ئەمریکا ئاماژەی پێ کردووە کە ئەم هەنگاوە وەک وەڵامدانەوەیەک بووە بۆ "کردەوە دوژمنکارییەکانی ئێران"، کە دیارترینیان خستنەخوارەوەی فڕۆکەیەکی بێفڕۆکەوانی ئەمریکی بوو لە جۆری (MQ-١) کە لەو کاتەدا لەسەر ئاوە نێودەوڵەتییەکاندا دەفڕی.
لەلایەکی دیکەوە، سوپای پاسدارانی ئێران ڕایگەیاند بنکەیەکی ئاسمانیی ئەمریکایان کردووەتە ئامانج، کە لەوێوە هێرش کرابووە سەر تاوەرێکی پەیوەندییەکان لە دوورگەی سیریک لە باشووری ئێران.
لە تۆڕە کۆمەڵایەتیەکان شەیری بکە