31/05/2026
407 جار خوێنراوەتەوە
ئیسرائیل هێرشێکی بەرفراوانی بۆ باکووری ڕووباری لیتانی دەستپێکرد
پهیام
سوپای ئیسرائیل هێرشێکی بەرفراوانی بۆ سەر باشووری لوبنان و باکووری ڕووباری لیتانی دەستپێکرد، بە ئامانجی تێکشکاندنی ژێرخانی سەربازیی حزبوڵڵا و "دوورخستنەوەی مەترسی" لەسەر ناوچە سنوورییەکانی باکووری قهوارهكه.
وتەبێژی سوپای ئیسرائیل ڕایگەیاند، هێزەکانیان پرۆسەیەکی سەربازیی بەرفراوانیان لە بەرزاییەکانی شەقێف و ناوچەی وادی سەلوقی لە باشووری لوبنان دەست پێ کردووە. ئەم هێرشە بە مەبەستی لەناوبردنی ژێرخانی سەربازی و چەکدارەکانی حزبوڵڵایە، تاوەکو کۆنترۆڵی ئۆپەراسیۆنەکان لە باشووری لوبنان زیاتر بکەن و مەترسیی ڕاستەوخۆ لەسەر ناوچەکانی ئەسبەعی جەلیل و شارۆچکەی مەتەڵە لابدەن.
سوپای ئیسرائیل ڕایگەیاندووه، ئەم ئۆپەراسیۆنە چەند ڕۆژێک لەمەوبەر بە پشتبەستن بە زانیارییەکانی دەزگای هەواڵگریی سەربازی دەستی پێ کردووە؛ تێیدا هێزێکی زەمینیی گەورە لەژێر فەرمانی فیرقەی ٣٦ دا هێرشەکانیان بۆ فراوانکردنی هێڵی پێشەوەی بەرگری دەستپێکردووە. هێزەکانی ئیسرائیل لە ڕووباری لیتانی پەڕیونەتەوە و هێرشەکانیان بۆ باکووری ڕووبارەکە دژی حزبوڵڵا فراوانتر کردووە.
لە ئێستادا هێزەکانی ئیسرائیل لە دەوروبەری پارێزگای نەبتییەدا کار دەکەن، کە بە یەکێک لە پێگە سەرەکییەکانی هێزی حزبوڵڵا لە باشووری لوبنان دادەنرێت.
لە تۆڕە کۆمەڵایەتیەکان شەیری بکە