06/06/2026
231 جار خوێنراوەتەوە
وهزارهتی كارهبا: بەرهەمهێنانی كارەبا كەمی كردووە و لە هەوڵى چارەسەرکردنیداین
پەیام
وهزارهتی كارهبای ههرێم ئهمڕۆ لە راگهیهندراوێكدا رایگهیاند، كهمبوونهوهی كارهبا بههۆی گرفتێكی تهكنیكییهوهیه و له ههوڵی چارهسهرکردنیدان.
ڕوونیشیکردووەتەوە "هاوبەشانی كارەبا ئاگاداردەكەینەوە بەهۆی گرفتێکی تەكنیكی و چاککردنەوە لە چەند یەكەیەكی وێستگە غازییەكانی كارەبا، بەرهەمهێنانی كارەبا كەمی كردووەو لە هەندێك گەڕەك و ناوچەكانی دەوروبەر بۆ ماوەیەكی كەم دوچاری پچڕانی كاتی كارەبا بووینەتەوە."
وهزارهتهكه وتوشیهتی " تیمەكانی وەزارەتی كارەبا بە هەماهەنگی لەگەڵ تیمەكانی وێستگە غازییەكان لە هەوڵی چارەسەری كێشەكەدان بۆ ئەوەی كارەبا ئاسایی بێتەوە."
ماوهی چهند رۆژێكه پێدانی كارهبای به هاوڵاتیان له ههرێمی كوردستان كهمی كردووه، عهلی حهمهساڵح، بڕیاردهری رهوتی ههڵوێست هۆکارەکەى بۆ فرۆشتنی كارهباکه به عێراق گەڕاندووەتەوە و دەڵێت "لەبەر ئەوەی 1200 مێگاوات كارهبا دەفرۆشنە حکومەتی عێراق، کێشەی کارەبا لە هەرێم دروستبوە."
ئەوەشى خستووەتەڕوو "بڕوانە بە گرانترین نرخیش کارەبا نادەن بە خەڵک!"
لە تۆڕە کۆمەڵایەتیەکان شەیری بکە