وۆڵ ستریت جۆرناڵ: مووشه‌كی به‌رگریی ئه‌مریكا كه‌می كردووه‌

وۆڵ ستریت جۆرناڵ رایگه‌یاندووه‌، ئەمریکا ڕووبەڕووی کەمیی مووشەکی بەرگری بووەتەوە و سەرۆکی ئەمریکا بۆردوومانەکانی سەر تارانی لە ئێوارەی هەینییەوە ڕاگرتووە تاوەکو دەرفەت بۆ دانوستانەکان بڕەخسێت.
به‌پێی ڕۆژنامەی ۆڵ ستریت جۆرناڵ ویلایەتە یەکگرتووەکانی ئەمریکا ڕووبەڕووی کەمیی مووشەکی بەرگریی ئاسمانی بووەتەوە، لە کاتێکدا ئێران هێشتا خاوەنی جبەخانەیەکی زەبەلاحی مووشەکی بالیستی و فڕۆکەی بێفڕۆکەوانە.
ڕۆژنامەی ۆڵ ستریت جۆرناڵ بڵاویکردەوە، کە گفتوگۆکانی نێوان ئێران و سەڵتەنەی عومان پێشکەوتنی بەرچاویان بەدەستهێناوە و تێیدا دۆناڵد ترەمپ سەرۆکی ئەمریکا بۆردوومانەکانی سەر تارانی لە ئێوارەی هەینییەوە ڕاگرتووە تاوەکو دەرفەت بۆ دانوستانەکان بڕەخسێت. هەرچەندە ویلایەتە یەکگرتووەکانی ئەمریکا لایەنێکی ڕاستەوخۆ نییە لەم گفتوگۆیانەدا، بەڵام بڕیاری هەڵپەساردنی گورزە سەربازییەکان وەک ئاڕاستەیەک بۆ پشتیوانیکردنی هەوڵە دیپلۆماسییەکان دەبینرێت. ئامانجی سەرەکیی ئەم ڕاگرتنەی هێرشەکان، کەمکردنەوەی گرژییەکان و ڕێخۆشکردنە بۆ گەیشتن بە لێکتێگەیشتنی نوێ لەبارەی ئاسایشی ڕێڕەوە ئاوییەکان و گەرووی هورمزدا. 
لەلایەکی دیکەوە، واشنتن ڕووبەڕووی ئاڵنگاریی کەمیی مووشەکی بەرگریی ئاسمانی بووەتەوە، لە کاتێکدا ئێران هێشتا خاوەنی جبەخانەیەکی زەبەلاحی مووشەکی بالیستی و فڕۆکەی بێفڕۆکەوانە. ڕۆژنامەکە ئاماژەی پێ کردووە کە بەکارهێنانی زۆری مووشەکە تێکشکێنەرەکان لە لایەن هێزەکانی ئەمریکاوە، کۆگاکانی ئەو وڵاتەی ڕووبەڕووی کەمبوونەوە کردووەتەوە و ئەمەش نیگەرانیی لای بەرپرسانی سەربازی دروست کردووە. ئەم دۆخە لە کاتێکدایە کە تاران بەردەوامە لە نیشاندانی توانا سەربازییەکانی و ئەمەش وا دەکات واشنتن بە وریاییەوە مامەڵە لەگەڵ پەرەسەندنی ئەگەریی ململانێکان لە ناوچەکەدا بکات.