2 کاتژمێر پێش ئێستا
136 جار خوێنراوەتەوە
ئێران: لەگەڵ عومان گفتوگۆ لەبارەی بەڕێوەبردنی گەرووی هورمز دەكەین
پەیام
حكوومەت ئێران ڕایدەگەیەنێت: پێداگریی لەسەر بەڕێوەبردنی گەرووی هورمز دەكەینەوە و بۆ ئەو مەبەستەش لەگەڵ وڵاتانی دراوسێ بیروڕا ئاڵوگۆڕ دەكەین.
فاتیمە موهاجیرانی وتەبێژی حكوومەتی كۆماری ئیسلامیی ئێران ڕایگەیاند: ئێران و عومان گفتوگۆكانیان بۆ دانانی چوارچێوەیەك بۆ بەڕێوەبردنی گەرووی هورمز و پێشكەشكردنی خزمەتگوزاریی لە گەرووەكە لە داهاتوودا دەست پێدەكەن.
لە میانی گفتوگۆیەكی تەلەفزیۆنییدا، فاتیمە موهاجیرانی ڕایشیگەیاند: ئێران بە هەماهەنگی لەگەڵ وڵاتانی دراوسێ چاودێریی ئەو ڕێڕەوە ئاوییە دەكات.
موهاجیرانی وتیشی: هەر لەو میانەیەدا لەگەڵ وڵاتانی دراوسێ ئاڵوگۆڕی بیروڕا دەكەین.
دواین هەڵوێستی ئێران لەبارەی گەرووی هومرزەوە لەكاتێكدایە پێشتر ئێران لەسەر ئاستی سوپای پاسداران پێشنیازێكی عومانی بۆ كردنەوەی ڕێڕەوێكی نوێی تێپەڕینی دەریایی لە گەرووەكە ڕەت كردەوە و ڕایگەیاند: تێەڕینی ئارام تەنیا بەو ڕێڕەوانەدا دەبێت كە ئێران دیاریی دەكات.
لە تۆڕە کۆمەڵایەتیەکان شەیری بکە