6 رۆژ پێش ئێستا
235 جار خوێنراوەتەوە
کەرکووک.. ڕێگریی لە بەقاچاخبردنى 226 هەزار دۆلار کرا
پەیام
دەستەی گشتیی گومرگی عێراق ڕایگەیاند، لە گومرگی فڕۆكەخانەی كەركووك توانیویانە ڕێگری لە بە قاچاخكردنی 226 هەزار دۆلار بكەن كە لە لایەن گەشتیارێكەوە هەوڵی بردنی بۆ دەرەوەی وڵات دەدرا.
ئەم 226 هەزار دۆلارە لە كاتی پشكنینی هۆڵی گەشتیاراندا دۆزراوەتەوە و بەهۆی سەرپێچیكردنی ڕێنماییەكانی بانكی ناوەندیی عێراق، دەستی بەسەردا گیراوە.
گومرگ ئاماژەی بەوە كردووە، كە پەڕاوی یاسایی بۆ گەشتیارەكە كراوەتەوە و ڕادەستی دادگا كراوە، جەختیشی كردەوە، چاودێرییەكان بۆ پاراستنی ئابووریی نیشتمانی و ڕووبەڕووبوونەوەی قاچاخچێتی دراو بەردەوام دەبن.
لەلایەکى ترەوە دەستەی دەستپاکیی فیدراڵیی عێراق ڕایگەیاند، لە ماوەی مانگی حوزەیرانی ٢٠٢٦دا، لە ئەنجامی ١٥٧ پڕۆسەی جیاواز لە سەرتاسەری پارێزگاکاندا، ٥٩ کەسیان بە تۆمەتی گەندەڵی دەستگیر کردووە.
لە تۆڕە کۆمەڵایەتیەکان شەیری بکە