تۆڕی نیشتیمانی بومه‌له‌رزه‌زانی میسر: گۆڕی بومه‌له‌رزه‌كه‌ی ئه‌م به‌یانییه‌ ٥.٧ پله‌ی ڕێخته‌ر بووه‌

تۆڕی نیشتیمانی بومەلەرزەزانی میسر: گۆڕی بومەلەرزەکەی ئەم بەیانییە ٥.٧ پلەی ڕێختەر بووەتۆڕی نیشتمانیی بومەلەرزەزانیی میسر تۆمارکردنی بومەلەرزەیەکی بە گوڕی ٥.٧  پلەی ڕیختەر لە باکووری شاری مەرسا مەتروح ڕاگەیاند، بەبێ ئەوەی هیچ زیانێکی گیانی و مادیی لێ بکەوێتەوە. 
بەپێی بەیاننامەی پەیمانگەی نیشتمانیی بۆ توێژینەوەی فەلەکی و جیۆفیزیکی لە میسر، زەمینلەرزەکە لە کاتژمێر ٥ ی بەیانی بە کاتی ناوخۆیی و هەروەها (٢ بە کاتی گەرینج) ڕوویداوە. ناوەندی بومەلەرزەکە لە قووڵایی ٢٦.٨  کیلۆمەتر لە دەریای ناوەڕاستدا بووە و ٤١٢ کیلۆمەتر لە باکووری شاری مەرسا مەتروحەوە دوور بووە. 
پەیمانگەکە ئاماژەی بەوەش کردووە کە زانیارییان پێگەیشتووە بەوەی ھەندێک لە هاووڵاتییان ھەستیان بە گوڕییەکی لاوازی بومەلەرزەکە کردووە، بەڵام هیچ جۆرە زیانێکی گیانی یان مادیی لە سەرانسەری ناوچەکە تۆمار نەکراوە. 
تۆڕی نیشتیمانی بومەلەرزەزانی میسر ئەوەشى ڕاگەیاندووە، چەند چرکەیەک پێش ڕوودانى بومەلەرزەکە بەشێکى لەو موبایلانەى کە بە سیستمى ئەندرۆید کار دەکەن زەنگی ئاگادارکردنەوەیان بۆ ڕۆیشتووە. 
لە لایەکی دیکەوە، پێشتر لە هەمان ڕۆژدا، سەنتەری ئەڵمانی بۆ توێژینەوەی زانستەکانی زەوی ڕایگەیاندبوو کە زەمینلەرزەیەک بە گوڕی ٥.٩ پلە بەپێی پێوەری ڕیختەر دوورگەی کریتی لە یۆنان هەژاندووە.