1 کاتژمێر پێش ئێستا
186 جار خوێنراوەتەوە
سوپاى ئەمریکا داواى لە ڕاوێژکارەکانى کردووە بیرۆکەى نوێ بۆ سزادانی ئێران بخەنە ڕوو
پەیام
سوپای ئەمریکا داوای لە شیکەرەوە سەربازییەکانی کردووە بیرۆکەی نوێ و داهێنەرانە بۆ سزادان و فشارخستنە سەر ئێران بخەنە ڕوو.
تۆڕی هەواڵی سی ئێن ئێن لە سەرچاوە سەربازییەکانییەوە گواستوویەتییەوە، ئەفسەرێکی هەواڵگری لە فەرماندەیی ناوەندیی ئەمریکا (سێنتکۆم)، ڕۆژی چوارشەممە پەیامێکی ئاراستەی ژمارەیەکی زۆر لە شیکەرەوە سەربازییەکان کردووە و تێیدا داوای ڕێگەی نائاسایی و داهێنەرانەی کردووە بۆ مامەڵەکردن لەگەڵ ئێران. هاوکات هەفتەی ڕابردووش ئەفسەرێکی باڵای ئەمریکی داواکارییەکی هاوشێوەی بۆ دۆزینەوەی بیرۆکەی نوێ بە مەبەستی سزادانی ئەو وڵاتە خستبووە ڕوو.
سی ئێن ئێن لە سەرچاوەیەکی دیکەیەوە لە فەرماندەیی ناوەندی ئەمریکا (سێنتکۆم) بڵاویکردوەتەوە، کە فەرماندەییەکە سەرجەم بژاردەکان تاوتوێ دەکات و درک بە پێویستیی هەڵسەنگاندنەوەی ستراتیژییەتەکەی دەکات. سەرچاوەکە ئاماژەی بەوەش کردووە لە کۆتاییدا ئەمریکا دەیەوێت بگاتە ڕێککەوتن، بەڵام لە هەمان کاتدا بەدوای گرتنەبەری هەڵوێستێکی تونددا دەگەڕێت.
ئەمە لەکاتێکدایە کە وەزارەتى بەرگری ئەمریکا رایگەیاند، بە تەواوی ئامادەکارییان کردووە بۆ وەشاندنى گورزێکى سەربازی بێ پێشینە لە ئێران کە جۆرێک لە دواى جەنگی جیهانیی دووەمەوە هاوشێوەى نەبوو بێت.
لە تۆڕە کۆمەڵایەتیەکان شەیری بکە