ئەمریكا سزای توند بەسەر ڕووسیا و كڕیارانی نەوتەكەیدا دەسەپێنێت

پەیام 

ئەنجومەنی پیرانی ئەمریكا پڕۆژەیاسایەكی بۆ سەپاندنی سزای توند بەسەر ڕووسیا و كڕیارانی وزەی ئەو وڵاتەدا پەسەند كرد.

ئەنجوومەنی پیرانی ئەمریكا بە زۆرینەی 86 دەنگی بەڵێ بەرانبەر 11 دەنگی نەخێر، پڕۆژەیاسایەكی بۆ سەپاندنی سزای نوێ بەسەر ڕووسیادا پەسەند كرد، ئەم پڕۆژەیە وەك ڕێزێك بە ناوی سیناتۆر لیندسی گراهامەوە ناو نراوە كە مانگی ڕابردوو كۆچی دوایی كرد. 

سزاكان بەرپرسانی باڵا، بە ڤلادیمێر پوتینی سەرۆكیشەوە، لەگەڵ ئۆلیگارشییەكان واتە سەرمایەدارەكان و ئەو كۆمپانیا بیانییانە دەگرێتەوە كە پاڵپشتی پیشەسازیی بەرگریی ڕووسیا دەكەن.

بەپێی پڕۆژەكە، باجی گومرگی تا 100% دەخرێتە سەر ئەو پێنج وڵاتەی یەكەم كە نەوت و غازی ڕووسیا دەكڕن، لەوانەش چین و هیندستان، وڵاتانێكیش كە كەمتر لە 15%ی غازی ڕووسیا هاوردە دەكەن و هەوڵی كەمكردنەوەی دەدەن لەم سزایانە دەبەخشرێن.
 
پڕۆژەیاساكە پێشتر بەهۆی داوایەكی سەرۆكی ئەمریكاوە دواكەوتبوو، بەڵام دواتر لەگەڵ ئیدارەكەی ڕێككەوتن لەسەر هەمواركردنەوەی و كەمكردنەوەی ڕێژەی باجەكان لە 500% بۆ 100% لە ئێستادا پڕۆژەكە تەنها پێویستی بە دەنگدانی ئەنجومەنی نوێنەران هەیە بۆ ئەوەی بچێتە بواری جێبەجێكردنەوە.