هه‌لیكۆپته‌رێكی ئه‌مریكی كه‌وته‌خواره‌وه‌ و دوو سه‌رباز كوژران

دوو سەربازی سوپای ئەمریکا بەهۆی تێکشکانی هەلیکۆپتەرێکی سەربازیی جۆری ئاپاچی لە ویلایەتی تەکساس كوژران. 
بنکەی فۆرت هوود ڕایگەیاند، کە هەلیکۆپتەرێکی سەربازیی سوپای ویلایەتە یەکگرتووەکانی ئەمریکا لە جۆری ئاپاچی لە ناوچەی سالادۆ لە ویلایەتی تەکساس تێکشکا و بووە هۆی  كوژرانی دوو سەرباز. فەرماندەیی بنکەکە ئاماژەی پێ کرد کە ڕووداوەکە ئێوارەی چوارشەممە ڕوویداوە و تیمەکانیان گەیشتوونەتە شوێنی تێکشکانەکە، بەڵام تا ئێستا هۆکارەکان یان ناوەڕۆکی ئەرکی فڕینی فڕۆکەکە ئاشکرا نەکراوە.

تۆڕی سی ئێن ئێن ئاشکرای کرد کە هەلیکۆپتەرەکە لە کێڵگەیەکدا کەوتووەتە خوارەوە و ئاگری گرتووە، ئەمەش بووەتە هۆی ئاگرکەوتنەوەیەکی بەرفراوان لە ناوچەکەدا. 
دەسەڵاتە سەربازییەکان ڕایانگەیاندووە کە پاش ئاگادارکردنەوەی کەسوکاریان، ناوی سەربازەکان بۆ ڕای گشتی بڵاو دەکەنەوە و لێکۆڵینەوە بۆ دیاریکردنی ئاڕاستەی ڕووداوەکە بەردەوامە تاوەکو ڕێگری لە هەر چەشنە ئاڵنگارییەکی هاوشێوە بکرێت. ئەم ڕووداوە نوێترین تێکشکانە کە هێزەکانی ئەمریکای گرتووەتەوە، چونکە پێش نزیکەی دوو مانگیش فڕۆکەیەکی بۆمبهاوێژ لە جۆری بی-٥٢ لە کالیفۆرنیا تێکشکا و هەشت کەس تێیدا گیانیان لەدەستدا.