هێرشێكی درۆنی لە ئاسمانی هەولێر بەبێ زیانی گیانی تێكشكێنرا

پەیام 

بەرەبەیانی ئەمڕۆ هەینی، لەرێگەی درۆنەوە هێرشكرایە سەر شاری هەولێر و و هیچ زیانێكی گیانی لێ نەكەوتەوە و درۆنەكان تێكشكێنران.

بەرەبەیانی ئەمڕۆ 14ی ئابی 2026، لە كاتژمێر 2:17 خولەك تا 2:25 خولەك، هێرشێكی درۆنی بۆ سەر هەولێر ئەنجام درا. 

لەو بارەیەوە دژە تیرۆری كوردستان ڕایگەیاند هێزەكانی هاوپەیمانان 3 درۆنی بۆمبڕێژكراویان تێكشكاندووە، هاوكات سەرچاوەكان باس لەوە دەكەن هێرشەكە بە شەش درۆن بووە. 

پاشماوەی درۆنەكانیش لە نزیك پڕۆژەیەكی نیشتەجێبوون كەوتوونەتە خوارەوە و تەنها زیانی ماددییان بە چەند ئۆتۆمبێلێك گەیاندووە، بێ ئەوەی هیچ زیانێكی گیانی لێ بكەوێتەوە.

لە سەرەتای ئەم مانگەوە، 16 درۆن و سێ مووشەك ئاراستەی هەرێمی كوردستان كراون، كە هەشت درۆن و سێ مووشەكیان بۆ هەولێر و هەشت درۆنەكەی دیكە بۆ سلێمانی بووە.