پێشبینى دەکرێت لە ڕۆژى دووشەممە شەپۆلێكی فێنك هەرێمی كوردستان بگرێتەوە

پەیام 

دەستەى کەشناسیی عێراق پێشبینى دەکات لە ڕۆژى دووشەممەى داهاتووەوە پلەکانى گەرما دەست بە نزمبوونەوە بکەن و شەپۆلێكی فێنك هەرێمی كوردستان بگرێتەوە.

هەروەها لەبارەى ڕەوشى کەشوهەواى ئەمڕۆ و سبەینێى شارەکانى هەرێمى کوردستانەوە كەشناسی هەرێم ڕایگەیاند، ئەمڕۆ و سبەینێ پلەكانی گەرما بەراورد بە دوێنێ (2 بۆ 3) پلە بەرز دەبنەوە. بەرزترین پلەی پێشبینیكراو لە هەولێر 45، سلێمانی 43 و گەرمیان 48 پلەی سیلیزی دەبێت.

هاوکات بە گوێرەى پێشبینى دەستەى کەشناسیی عێراق لە ڕۆژی دووشەممەوە بارستە هەوایەكی فێنك لە دەریای نێوەڕاستەوە دەگاتە ناوچەكە، بەهۆی ئەم شەپۆلە، پلەكانی گەرما (3 بۆ 5) پلە دادەبەزن و لە زۆربەی ناوچەكان دەبنە كەمتر لە 40 پلەی سیلیزی.

لە رۆژى دووشەممە بەگشتى گەرمای توند كەمدەبێتەوە، تەنها لە شارەكانی هەولێر، كەركووك و ناوچەی گەرمیان پلەكان لە دەوروبەری 40 پلەدا دەمێننەوە.