نزار ئامێدی: لە دوای ئێران، عێراق زۆرترین زیانی بەرکەوتووە

پەیام 

سەبارەت بەو زیانانەى کە بەر وڵاتەکەى کەوتووە لەدواى هەڵگیرسانى جەنگى سەر ئێران، نزار ئامێدی سەرۆک کۆماری عێراق، ڕایگەیاند، لە دوای ئێران، عێراق زۆرترین زیانی بەرکەوتووە لە ڕووى ئابوورییەوە. 

لە میانی بەشداریکردنی لە هەشتەمین کۆنفرانسی دیالۆگی بەغداد، سەرۆک کۆماری عێراق، چەندین هەڵوێست و پەیامی گرنگی دەربارەی دۆخی سیاسی، ئەمنی، ئابووری و پەیوەندییە هەرێمییەکان خستەڕوو.

ڕاشیگەیاند، ئەمریکا ناتوانێت لەوە زیاتر درێژە بە جەنگ بدات و هیوای خواست ململانێکانی نێوان ئێران و ئەمریکا کۆتایییان بێت.

سەربارى ئەوەش سەرۆک کۆمار ئاشکرای کرد: گفتوگۆکان لەگەڵ لایەنی ئێرانی بەردەوامن دەربارەی هەناردەکردنی نەوتی عێراق.