لە عێراق مانگانە بۆ 10 ملیۆن مووچەخۆر 7.7 تریلیۆن دینار تەرخان دەکرێت

پەیام 

لە عێراق 10 ملیۆن هاوڵاتى مووچه‌ وه‌رده‌گرێت كه‌ مانگانە پێویستیان بە 7.7 تریلیۆن دینار هەیە.

مەزھەر محەمەد ساڵح، ڕاوێژکاری دارایی سەرۆک وەزیرانی عێراق به‌ میدیای فەرمی عێراقی راگه‌یاند، لە عێراق مانگانە 7.7 تریلیۆن دینار  بۆ مووچە تەرخان دەکرێت، دابینکردنیشی بابەتێکی ئیلزامییه‌.

ڕونیشیکردەوە "10 ملیۆن هاوڵاتی موچە وەردەگرن، لەوانە فەرمانبەران، خانەنشینان و چاودێری کۆمەڵایەتی، هەر موچەیەکیش کە لەلایەن دەوڵەتەوە خەرج دەکرێت بە جۆرێک سەیر دەکرێت کە بژێوی 4 کەسی خێزان یان سودمەندان دابین دەکات و دەستیان پێیدەگات، بەپێی ئەمەش نزیکەی 40 ملیۆن هاوڵاتی عێراقی لە موچەی دەوڵەت سودمەند دەبن".

ئاشکراشیكرد، لەکاتى دەستپێکردنى جەنگى سەر ئێرانەوە، عێراق 12 بۆ 14 تریلیۆن دینار قەرزى کردووە تاوەکو لەڕێگەیەوە مووچە بۆ مووچەخۆرانى دابینبکات.