1 کاتژمێر پێش ئێستا
113 جار خوێنراوەتەوە
بۆ كوردانی ڕۆژاوا چەند پۆستێكی باڵا لە ناو حکومەتى سووریا ئامادە كراوە
پەیام
دوای بڕیاری هەڵوەشاندنەوەی هێزەكانی هەسەدە و تێكەڵبوونیان بە دەوڵەتی سووریا، دیمەشق سەرقاڵی ڕێكخستنەوەی دۆسیەی كوردە و چەند پۆستێكی باڵاش بۆ مەزڵووم عەبدی، ئیلهام ئەحمەد و نەورۆز ئەحمەد لەناو دامەزراوەكانی سووریا ئامادە كراون.
بە گوێرەی سەرچاوە حكومییەكانی سووریا، وەزارەتی ناوخۆ لەگەڵ نەورۆز ئەحمەد، سەركردە لە یەكینەكانی پاراستنی ژنان (یەپەژە)، گەیشتووەتە ڕێككەوتنێك.
بەپێی ڕێككەوتنەكە، نزیكەی 2 هەزار ئەندامی ئەو یەكینانە پەیوەندی بە وەزارەتی ناوخۆوە دەكەن، بە مەرجێك تایبەتمەندیی خۆیان وەك هێزێكی تایبەت بە ڕووبەڕووبوونەوەی تیرۆر بپارێزن، دوای ئەوەی ڕەتیان كردەوە لەناو سوپای سووریادا بمێننەوە.
سەرچاوەكان ئاماژەیان بەوە كردوە، كە سەرۆكایەتیی سووریا پۆستێكی پێشكەش بە مەزڵووم عەبدی كردووە، كە دەكرێت ببێتە ڕاوێژكار یان بەرپرسی دۆسیەی كوردی و بڕیاری دامەزراندنەكەشی بە مەرسوومێكی سەرۆكایەتی دەردەچێت.
هەروەها سەرچاوەكان ئەوەیان ئاشكرا كرد، كە ئێلهام ئەحمەد، سەركردەی كورد، وەك ئەندام لە پەرلەمانی سووریا دیاری كراوە، لەگەڵ ئەگەری وەرگرتنی سەرۆكایەتیی لیژنەیەكی پەرلەمانی لە داهاتوودا كە راسپێردرابێت بۆ نووسینەوەی دەستوور.
ئەمەش دوای ئەوە هات كە مەزڵووم عەبدی، فەرماندەی هێزەكانی سووریای دیموكرات هەڵوەشاندنەوەی هێزەكانی و تێكەڵبوونیان بە دامەزراوەكانی دەوڵەتی سووریا ڕاگەیاند.
لە تۆڕە کۆمەڵایەتیەکان شەیری بکە