7 رۆژ پێش ئێستا
262 جار خوێنراوەتەوە
سەباح نوعمان: كشانەوەی هاوپەیمانان لە 30ی ئەیلوول بەتەواوى جێبەجێدەكرێت
پەیام
عێراق جەخت لە كشانەوەی هێزەكانی هاوپەیمانان لە كاتی دیاریكراودا کە 30ى ئەیلوولە دەكاتەوە.
سەباح نوعمان، وتەبێژی فەرماندەی گشتی هێزە چەكدارەكانی عێراق، دووپاتی كردەوە كە كشانەوەی هێزەكانی هاوپەیمانی نێودەوڵەتی لە 30ی ئەیلوولی داهاتوو بە تەواوەتی جێبەجێ دەكرێت.
ئاماژەی بەوەش كرد كە حكومەت پلانێكی ڕوونی هەیە بۆ كۆنترۆڵكردنی چەك و تێكەڵكردنی گروپە چەكدارەكان لەناو دامەزراوە شەرعییەكانی دەوڵەتدا.
نوعمان جەختی كردەوە كە ئەو گروپانەی خاكی وڵاتیان پاراستووە پەراوێز ناخرێن، بەڵكو بە فەرمی دەخرێنە ژێر چەتری یاسا و ڕێز لە قوربانییەكانیان دەگیرێت بۆ بەهێزكردنی سەروەری دەوڵەت و دروستكردنی دامەزراوەیەكی ئەمنیی یەكگرتوو.
لە تۆڕە کۆمەڵایەتیەکان شەیری بکە