5 رۆژ پێش ئێستا
211 جار خوێنراوەتەوە
خاچی سوور: چارەنووسی هەزاران بێسەروشوێن لە غەززە نادیارە
پەیام
هەزاران خێزان لە كەرتی غەززەی فەڵەستین لە دوای نزیكەی سێ ساڵ لە هەڵگیرسانی جەنگ هێشتا چارەنووسی كەسوكاری ونبوویان نازانن.
خاچی سووری نێودەوڵەتی لە ڕاگەیەندراوێكدا ئاماژەی بەوە كردووە كە بەهۆی قەبارەی وێرانكارییە سەختەكان و نەبوونی ئامێری پێویست، پڕۆسەی دەرهێنانی تەرمەكان و دیاریكردنی چارەنووسی ونبووەكان ڕووبەڕووی ئاستەنگیی گەورە بووەتەوە.
خاچی سوور ڕایشیگەیاند: هاوكات بە هۆی سنوورداریی توانای پزیشكی دادوەری و نەبوونی تاقیگەی پشكنینی دی ئێن ئەی لە كەرتی غەززە، ناسینەوەی تەرمە نەناسراوەكان زۆر قورس بووە و لەژێر ئەم بارودۆخەدا پرۆسەی گەڕان و ناسینەوە ڕەنگە چەندین ساڵ بخایەنێت.
هاوكات لەگەڵ ڕۆژی نێودەوڵەتیی قوربانیانی بێسەروشوێنكردنی زۆرەملێ لە 30ی ئابدا، خاچی سوور ڕایشیگەیاند: هەزاران خێزان لە كەرتی غەززەی فەڵەستین لە دوای نزیكەی سێ ساڵ لە هەڵگیرسانی جەنگ هێشتا چارەنووسی كەسوكاری ونبوویان نازانن.
هەر لەو میانەیەدا، ژمارەیەكی زۆر لە خێزانە فەڵەستینییەكان و ڕێكخراوە مەدەنییەكان لە بەردەم بارەگای خاچی سوور لە شاری غەززە گرد بوونەوە و داوای ئاشكراكردنی چارەنووسی هەزاران كەسی ونبوو و دەستبەسەركراویان كرد كە لە سەرەتای جەنگی سەر كەرتەكەوە لە تشرینی یەكەمی 2023ەوە تاوەكو ئێستا بێسەروشوێنن.
لە تۆڕە کۆمەڵایەتیەکان شەیری بکە