1 کاتژمێر پێش ئێستا
125 جار خوێنراوەتەوە
ژمارەی قوربانیانی غــەززە بهردهوام له بهرزبوونهوهدایه
پهیام
ژمارەی ئەو کەسانەی لە ڕۆژی ٧ی تشرینی یەکەمی ٢٠٢٣وە تا ئێستا، بەهۆی هێرشەکانی ئیسرائیلەوە لە کەرتی غەززە شههیدبوون گەیشتووەتە ٧٣ هەزار و ٤٤٩ کەس.
وەزارەتی تەندروستی فەڵەستین لە غەززە، لە ڕاگەیاندراوێکدا نوێترین زانیاری سەبارەت بە قوربانییانی هێرشەکانی ئیسرائیل، سەرەڕای ئاگربەست لە غەززە، بڵاو کردەوە.
وەزارەتەکە ڕایگەیاندووە، لە ٤٨ کاتژمێری ڕابردوودا بیست تەرم گەیەندراوەتە نەخۆشخانەکانی غەززە و ١٨ کەسی دیکەش بریندار بوون.
لە ڕاگەیاندراوەکەدا هاتووە کە لە دەستپێکی ئاگربەست لە غەززە لە ١٠ی ئۆکتۆبەری ٢٠٢٥دا، هەزار و ٣١٣ کەس شههیدبوون و چوار هەزار و ٣٦١ فەڵەستینیش بریندار بوون و تەرمی ٨١٥ کەسیش لە ژێر داروپەردووی باڵەخانەکاندا دەهێندراون.
بەپێی ڕاگەیاندراوەکەی وەزارەتی تەندروستی فەڵەستین لە غەززە، ژمارەی ئەو کەسانەی لە ڕۆژی ٧ی تشرینی یەکەمی ٢٠٢٣وە تا ئێستا، بەهۆی بەردەوامی هێرشەکانی ئیسرائیلەوە لە کەرتی غەززە شههیدبوون، گەیشتووەتە ٧٣ هەزار و ٤٤٩ کەس، ژمارەی بریندارەکانیش بۆ ١٧٤ هەزار و ٤٧٢ کەس بەرز بووەتەوە.
ئاماژە بەوەیش دەکرێت کە هێشتا تەرمی هەزاران کەس لەژێر داروپەردووی ڕووخاوی بیناکاندا ماونەتەوە.
لە تۆڕە کۆمەڵایەتیەکان شەیری بکە