پێش 4 هەفتە
284 جار خوێنراوەتەوە
بەهۆی لایەنگری بۆ ئیسڕائیل كۆمپانیای ئادیداس ڕووبەڕووی بایكۆت دەبێتەوە
پەیام
دیارییكردنی سەربازێكی برینداری سوپای زایۆنی لەلایەن كۆمپانیای «ئادیداس»ەوە بۆ كەمپەینێكی بازرگانی، شەپۆلێكی تووڕەیی نێودەوڵەتی و بانگەوازی فراوانی بایكۆتكردنی بەدوای خۆیدا هێنا.
دیاریكردنی «شالیڤ بیتۆن» كە قەناس بەدەستێكی سوپای زایۆنی بووە و لە جەنگی 2021ی سەر كەرتی غەززە قاچێكی لەدەست داوە وەك نوێنەری خزمەتگوزاریی «تاكەپێڵاو»، ناڕەزایەتییەكی بەرفراوانی لەژێر هاشتگی «بایكۆتی ئادیداس» لێ كەوتەوە؛ چالاكوانان و كەسایەتییە ناودارەكان كۆمپانیاكەیان تۆمەتبار كرد بە پەیڕەوكردنی پێوەری دووفاقانە و چاوپۆشیكردن لە ئازاری هەزاران منداڵی غەززە كە بەهۆی هێرشەكانی قەوارەی زایۆنییەوە پەلیان پەڕیوە، بەتایبەت دوای ئەوەی پێشتر هەمان كۆمپانیا بەهۆی پشتگیریكردنی لە فەڵەستین مۆدێلی بەناوبانگ "بێلا حەدید"ی لە ڕیكلامەكانی دوورخستبووەوە.
لە بەرانبەردا كۆمپانیای ئادیداس ڕەتی كردەوە ئەم هەنگاوەی بە مەبەستی پشتیوانی بووبێت لە سەربازانی سوپای زایۆنی و ڕایگەیاند: دەستپێشخەریی "تاكەپێڵاو" خزمەتگوزارییەكی جیهانییە و لە سەرەتای ساڵی 2026ەوە لە ئەوروپا دەستی پێكردووە، ئامانج لێی تەنیا هاوكاریكردنی سەرجەم كەمئەندامان و خاوەن پێداویستییە تایبەتەكانە لە جیهاندا تاوەكو بتوانن تاكەپێڵاو بە نیوەی نرخی جووتێك بكڕن.
لە تۆڕە کۆمەڵایەتیەکان شەیری بکە