تره‌مپ: ئەگەری ئەوە هەیە جارێکی دیکە ئێران بۆردومان بکەم

دونالد تره‌مپ سەرۆکی ئەمریکا، ئاماژەی بەوە کرد لەوانەیە ناچار بێت ئەو کارەی لە ئێران دەستی پێ کردووە تەواوی بکات، و وتی: «ئەگەری ئەوە هەیە جارێکی دیکە ئێران بۆردومان بکەم». 
تره‌مپ بانگەشەی کرد کە ئێرانیان لە ڕووی سەربازی و ئابوورییەوە «به نزیکەیی لەناوبردووە» و ئاماژەی بەوە کرد هیچ شتێک بۆ تاران نەماوەتەوە. 
تره‌مپ لە وەڵامی پرسیارێکدا دەربارەی ئەوەی کە ئایا ئەمریکا جارێکی دیکە هێرش دەکاتە سەر ئێران یان نا، وتی: «لەوانەیە ناچار بم ئەم کارە تا کۆتایی بەرەم، یان لەوانەیە بگەنە ڕێککەوتنێک. دڵنیا نیم. لە هەر حاڵەتێکدا ئێمە سەر دەکەوین. بەڵام ئەگەری ئەوە هەیە جارێکی دیکە ئێران بۆردومان بکەم». 
سەرۆکی ئەمریکا وتی ئێران دەیەوێت لەگەڵیان ڕێککەوتن بکات و ئەمەش مومکینە، بەڵام دەربڕی کە دڵنیا نین ئایا تاران پابەند دەبێت بە ڕێککەوتنێک یان نا. 
تره‌مپ هەروەها هەڵسەنگاندنی ئەوەی کرد کە: «ئەگەر بە حاڵی خۆم جێم هێشتبانایە، ئێران بە شێوەیەک ڕێگایەکی بۆ دروستکردنی بۆمبی ناوکی دەدۆزییەوە».