گەشتە ئاسمانییەكان لە توركیاوە بۆ سلێمانی دەستپێدەكەنەوە

پەیام  

فڕۆكه‌خانه‌ی جه‌لال تاڵه‌بانی (سلێمانی)، رایگه‌یاند، هێڵی ئاسمانی توركیش ئێرلاین له‌ كۆتاییه‌كانی مانگی داهاتوه‌وه‌ ده‌ست به‌ گه‌شته‌كانی بۆ فڕۆكه‌خانه‌كه‌یان ده‌كاته‌وه‌.

فڕۆكه‌خانه‌كە ئه‌مڕۆ 19ی 9ی 2026 له‌ راگه‌یه‌ندراوێكدا ئەوەشی خستووەتەڕوو، "بەپێی ئەو خشتەیەی کە لەلایەن هێڵی ئاسمانی تورکش ئێرلاینەوە بۆ (فڕۆکەخانەكه‌مان نێردراوە، وابڕیارە لە ڕۆژی 25ی 10ی 2026 ه‌وه‌ گه‌شته ئاسمانییه‌كان له‌نێوان (ئەستەنبول-سلێمانی-ئەستەنبول) دەستپێبکەنەوە.

ئاماژەی بەوەشكردووە، به‌پێی خشته‌كه‌ هه‌فتانه‌ چوار گه‌شت له‌ نێوان ئه‌سته‌نبول و سلێمانی ئه‌نجام ده‌درێن.

پێشتر توركیا بەبیانووی هۆكاری ئەمنی و سیاسیی لە نیسانی 2023ەوە قەدەغەی گەشتی ئاسمانی بۆ سلێمانی ڕاگەیاند، دواتر لە تشرینی دووەمی 2025 دەستپێكردنەوەی گەشتەكانی ڕاگەیاند.

لە ساڵی 2026 یشدا بەهۆی گرژییە ئەمنییەكانی ناوچەكەوە ڕاگرتنی كاتی گەشتەكان لە توركیاوە بۆ سلێمانی دەستیپیكردەوە و لە ئێستاشدا بڕیارە لە مانگی داهاتووەوە گەشتەكان دەستپێبكەنەوە.