ميدياى ئه‌مریكی: هه‌شت سه‌ربازی ئه‌مریكا به‌ مووشه‌كی ئێران برینداربوون

بەپێی میدیای ئەمریکی لە ناوەڕاستی ئەم مانگەدا هەشت سەربازی ئەمریکی لە گەرووی هورمز بە هۆی مووشەکێکی ئێرانییەوە بریندار بوون و، سوپای ئەمریکا ئامادەنەبووە لەکاتی خۆیدا هەواڵەکە ڕابگەیەنێت. 

بەپێی لێدوانی بەرپرسانی ئەمریکی بۆ تۆڕی هەواڵی "ئێن بی سی"، لە ١٤ی ئەیلوولی ئەمساڵدا، مووشەکێکی کرووزی ئێرانی کەشتییەکی لە گەرووی هورمز کردووەتە ئامانج و بەهۆیەوە هەشت سەربازی هێزی دەریایی ئەمریکا (مارێنز) بریندار بوون. هەرچەندە پێکانەکان مەترسیدار نەبوون، بەڵام سەربازەکان بەدەست نیشانەکانی لەرزینی مێشک و هەڵمژینی دووکەڵەوە ناڵاندوویانە و دوای ماوەیەکی کورت لە هێرشەکە گەڕاونەتەوە سەر ئەرکەکانیان. 

بەرپرسەکان ئاماژەیان بەوە کردووە کە سەربازەکان لەسەر کەشتیی سەر بە هێزی دەریایی ئەمریکا نەبوون، کەشتییەکی دیکەیان بەکارهێناوە و تەنیا وەک "یەکەیەکی دەریایی" ناویان بردووە و سوپای پاسدارانی ئێران لە ڕێگای مووشەکێکی کرووزەوە کەشتییەکەی پێکاوە و لەو کاتەشدا سوپای ئەمریکا ئامادە نەبووە کە هەواڵەکە ڕابگەیەنێت...