پێش 2 هەفتە
465 جار خوێنراوەتەوە
پڕۆژە یاسای بودجەی ساڵی 2027ی عێراق له وه‌زاره‌تی دارایی پەسەند کرا
وەزارەتی دارایی عێراق، پاش کۆتاییهاتنی کۆبوونەوەکانی بە بەشداریی نوێنەرانی هەرێمی کوردستان، پارێزگاکان و وەزارەتەکان، ڕەشنووسی پڕۆژەیاسای بودجەی گشتیی ساڵی ۲۰۲۷ی پەسەند کرد و ڕەوانەی ئەنجومەنی وەزیرانی فیدراڵی کرد.
پرۆسەی ئامادەکردن و پەسەندکردنی ئەم ڕەشنووسە لە چوارچێوەی زنجیرەیەک کۆبوونەوەی چڕوپڕی لیژنە تایبەتمەندەکانی وەزارەتی داراییدا بەڕێوەچوو. لەو دانیشتنانەدا، داواکاری و پێداویستییە داراییەکانی گشت وەزارەتە فیدراڵییەکان، دەستە سەربەخۆکان، ئیدارەی هەرێمی کوردستان و پارێزگاکانی عێراق تاوتوێ کران بۆ دیاریکردنی بەشەبودجەی شایستە و خەمڵاندنی خەرجی و داهاتەکان.
بە ڕەوانەکردنی پڕۆژەکە بۆ ئەنجومەنی وەزیران، چاوەڕوان دەکرێت لە ئایندەیەکی نزیکدا تێپەڕاندنی لە کۆبوونەوەی دەستەی وەزیراندا بکەوێتە بەر باس، تاوەکو دوای پەسەندکردنی حکومی، بە مەبەستی تاوتوێکردن و دەنگدان لەسەری ئاڕاستەی ئەنجومەنی نوێنەرانی عێراق بكرێت.
لە تۆڕە کۆمەڵایەتیەکان شەیری بکە