ئێران داوا لە ئەمریكا دەكات دوای عێراق بەتەواوی ناوچەكە جێبهێڵێت

پەیام

سوپای پاسدارانی ئێران پێشوازی لە كشانەوەی هێزەكانی هاوپەیمانیی نێودەوڵەتی بە سەرۆكایەتیی ویلایەتە یەكگرتووەكانی ئەمریكا لە عێراق كرد و وەك «سەركەوتنێكی مێژوویی» ناوزەندی كرد، هاوكات داوای لە هێزە ئەمریكییەكان كرد بە تەواوی ناوچەی ڕۆژهەڵاتی ناوەڕاست بەجێبهێڵن.

سوپای پاسداران لە ڕاگەیەندراوێكدا، پیرۆزبایی ئەم سەركەوتنە مێژووییەی لە گەلی عێراق و بەرەی مقاوەمەی ئیسلامیی و تەواوی هێزە شۆڕشگێڕەكان لە جیهانی ئیسلامیدا كرد. 

لە بەشێكی دیكەی بەیاننامەكەدا هاتووە كە پێویستە ئەمریكا ناوچەكە بەجێبهێڵێت و ئەركی بەڕێوەبردنی ئاسایش بۆ خودی گەلانی ناوچەكە جێبهێڵێت.

 سوپای پاسداران جەختی لەوەش كردەوە كە دوو دەیە لە داگیركاری سەلماندی كە بوونی سەربازیی ئەمریكا لە هێنانەدیی ئاسایشدا شكستی هێناوە، بەڵكو بە كردەوە بووەتە سەرچاوەیەكی سەرەكی بۆ ناسەقامگیری، تیرۆر و نائارامی لە تەواوی ناوچەی ڕۆژئاوای ئاسیادا.